खानेपानी तथा सरसफाइ

पानीको समस्या पाइप बिछ्याएर मात्र समाधान हुँदैन। नेपालका गाउँमा बिग्रेर छाडिएका खानेपानी योजना धेरै छन् — किनभने मर्मतको जिम्मा कसैले लिएको थिएन।

हामी स्रोत संरक्षणदेखि घरधुरी धारासम्मको काम गर्छौं, तर त्योभन्दा महत्त्वपूर्ण काम हो — खानेपानी उपभोक्ता समितिको गठन, मासिक शुल्क सङ्कलनको प्रणाली र स्थानीय मर्मतकर्मीको तालिम।

विद्यालयमा छात्रा-मैत्री शौचालय र हात धुने ठाउँ निर्माण गर्दा छात्राको उपस्थितिमा उल्लेख्य सुधार आउने गरेको छ।